Sunod – sunod na insidente ng sunog ang sumiklab at humabol bago tuluyang magpalit ang taon ngayong Linggo, Disyembre 31, 2017.
Unang naitala ang sunog sa residential area sa bahagi ng Caniogan, Pasig City na itinaas sa ika – apat na alarma.
Ayon kay Superintendent Arthur Marcos, Fire Marshal ng Pasig City, isa ang nasawi sa naturang sunog na kinilalang si Elmer Llanora, isang bed ridden habang isang babae pa ang hindi pa nakikilala ang na – trap subalit nasagip din kalaunan.
Nasunog din ang residential area sa Alvarado Street sa Binondo, Maynila gayundin sa bahagi ng Delpan at Herbosa sa Tondo, Maynila na kapwa nasa ikalawang alarma.
May naitala ding sunog sa Barangay Daanghari sa Navotas City at sa bahagi ng Bagbag sa Quezon City subalit agad ding naapula kalaunan.