Target ng SSS o Social Security System na makakolekta ng mahigit isang bilyong piso sa ikalawang bugso ng kanilang loan restructuring program (LRP).
Ayon kay Luisa Sebastian, Assistant Vice President for Media Affairs ng SSS, target nilang makahikayat ng 250,000 miyembro na hindi na nakakapagbayad ng kanilang utang sa SSS.
Sa nauna aniyang loan restructuring program na ipinatupad nila mula 2016 hanggang Abril ng 2017 ay nakakolekta sila ng halos anim na bilyong piso mula sa mahigit sa 800,000 miyembro ng nagpa-restructure at nagbayad ng kanilang pagkakautang.
Sa ilalim ng LRP ay tinatanggal na ng SSS ang multa na ipinataw sa mga matagal nang pagkakautang.
Nagbabala si Sebastian na posibleng mauwi sa wala ang maraming taon na kontribusyon ng isang miyembro sa SSS kung hindi nila aayusin ang kanilang pagkakautang.
Meron po tayong mga pensioner na dahil may mga naiwang utang with SSS nung magretiro sila, minsang dalawang taon, hindi pa nagpepensyon kasi ino-offset pa ‘yung kanilang outstanding loan with SSS. Paliwanag ni Sebastian