Magkakasa ng special virus measures ang Vatican para matiyak na protektado si Pope Francis laban sa 2019 coronavirus disease (COVID-19).
Sinabi ni Vatican Spokesman Matteo Bruni na sakop ng ipatutupad na hakbangin ang mga aktibidad ng Santo Papa tulad nang pagbabago sa mga nakatakda nang schedule nito.
Hindi naman tinukoy ng Vatican kung kabilang sa iiwasan ang pakikihalubilo sa malaking bilang ng mga tao ang 83-taong gulang na Santo Papa.
Simula nang pamunuan ni Pope Francis ang tradisyunal na Sunday Prayer ay hindi pa ito muling nakita sa publiko.