Buo na ang senatorial line up ng tambalang Grace Poe at Francis ‘Chiz’ Escudero subalit nag-ampon ito ng ilan mula sa kampo ni dating Secretary Mar Roxas na unang nakabuo ng senatorial candidates.
Kasama umano sa senatorial line-up nina Poe at Escudero sina Sen. Ralph Recto at dating Sen. Panfilo ‘Ping’ Lacson na kasama sa 12-man team ng administration.
Tulad ng inaasahan nasa unahan ng listahan ng senatorial line-up ni Poe sina Sen. Vicente ‘Tito’ Sotto III, Bayan Muna Partylist Rep. Neri Colmenares at Valenzuela City Rep. Sherwin Gatchalian.
Nasa listahan din sina Atty. Lorna Kapunan, actor-tv host Edu Manzano, Amina Rasul, dating Sen. Juan Miguel Zubiri, Pasig City Rep. Roman Romulo, Manila Vice Mayor Isko Moreno at Leyte Rep. Martin Romualdez.
Gayunpaman, naka-standby umano si dating Sen. Richard ‘Dick’ Gordon na nagdadalawang isip umanong tumakbo dahil sa kawalan ng pondong magagamit sa kampanya.
By Mariboy Ysibido