Inaasahang haharap sa pagdinig ng Senado ngayong araw ang 15 personalidad na iniuugnay sa pagkamatay ng hazing victim na si Horacio ‘Atio’ Castillo III.
Ayon kay Senator Panfilo Lacson, Chairperson ng Senate Committee on Public Order and Dangerous Drugs, maaaring ma-cite for contempt ang mga itinuturong sangkot sa pagkamatay ni Atio kapag hindi sumipot ang mga ito sa pagdinig dahil sa inisyung subpoena sa mga ito.
Kabilang sa mga pinadalhan ng subpoena ay si John Paul Solano na kasamang naghatid kay Atio sa ospital mula sa Aegis Juris Library sa Sampaloc, Maynila kung saan sinasabing naganap ang hazing rites.
Maliban dito, pinadadalo rin sa pagdinig sina Arvin Balag, Aeron Salientes , Mhin Whei Chan, Mark Anthony Ventura, Oliver John Audrey Onofre, Ranie Rafael Santiago at Marcelino Bagtang.
Bukod pa ito kina Zimon Padro, Joshua Joriel Macabali, Karl Matthew Villanueva, Jose Miguel Salamat, Daniel Hans Matthew Rodrigo, Axel Munro Hipe at Ralph Trangia na una umanong nagtago sa Amerika.
—-