Tumaas sa apat napu’t pitong (47) porsyento ang self-rated poverty ng mga Pilipino o itinuturing na mahirap sila sa ikatlong quarter ng taong ito.
Ayon ito sa survey ng Social Weather Stations o SWS kung saan nangangahulugang tinatayang 10.9 o halos 11 milyong pamilyang Pinoy ang itinuturing na mahirap sila.
Una nang naitala ng SWS sa 44% ang self-rated poverty sa ikalawang quarter.
Ang survey ay isinagawa mula September 23 hanggang 27 gamit ang face to face interviews sa 1, 500 respondents.
—-