Hinigpitan na ng Walt Disney ang seguridad sa kanilang mga theme park lalo sa Disneyland matapos ang massacre sa isang gay bar sa Orlando, Florida.
Ayon kay Walt Disney Spokeswoman Jacquee Wahler, dinagdagdagan na nila ang mga nagpapatrol na security personnel, K-9 unit maging ang mga law enforcer sa kanilang mga theme park.
Naging mahigpit na rin ang pagpasok at paglabas ng mga turista sa Disney Hotel at pag-che-check sa kanilang mga bagahe.
Sa kabila ng pamamaril kung saan nasa 50 ang nasawi, nananatiling normal ang operasyon ng mga theme park ng Disney na pangunahing tourist destination sa Orlando.
By Drew Nacino
Photo Credit: AP
