Tiwala si Labor Secretary at Government Peace Panel Chief Negotiator Silvestre Bello the Third na bubuhayin ng Pangulong Rodrigo Duterte ang pakikipag negosasyon sa mga komunista.
Ipinabatid ni Bello na hindi pa sila nakakapagpadala ng formal notice para tapusin na ang Peace talks kahit pa patuloy na sinasabi ng Pangulo na hindi na nito isusulong ang negosasyon sa mga makakaliwa.
Nilinaw ni Bello na ilang kaganapan lamang ang kinansela ng Pangulo tulad ng ika limang round ng Peace talks nuong Hunyo at ang back channel talks nuong Hulyo at hindi ang buong peace process.
Binigyang diin ni bello na hindi naman tatalikuran ng Pangulo ang pangako nitong kapayapaan sa buong bansa.
