Nakiusap si Presidential Communications Secretary Martin Andanar sa mga Pilipino na suportahan ang idineklarang Martial Law ng Pangulong Rodrigo Duterte at magkaisa sa paglaban sa violent extremist.
Ito ay sa gitna ng pagpo – protesta ng iba’t ibang grupo sa pagdedeklara ng batas militar sa Mindanao.
Wala aniyang dapat ikatakot ang mga sibilyan na nagmamalasakit sa bansa dahil ang layunin ng batas militar ay ang mailigtas ang sambayanan laban sa terorismong dulot ng Maute.
Idineklarang martial law sinuportahan ng isang Arsobispo
Sinuportahan ni Ozamis Archbishop Martin Jumoad ang pagdedeklara ng Pangulong Rodrigo Duterte ng batas militar sa Mindanao.
Ayon kay Jumoad, kinakailangan ito upang maibalik ang kapayapaan at kaayusan sa Marawi at sa ibang lugar sa Mindanao, subalit kailangang tiyaking walang magiging pag – abuso sa karapatang pantao sa ilalim nito.
Pinayuhan din ng Arsobispo ang mamamayan na maging maingat makipag tulungan sa otoridad sa Marawi.
By Katrina Valle | With Report from Aileen Taliping / Aya Yupangco