Muling ipinawagan ng mga taga-Cordillera Administrative Region o CAR ang pagkakaroon nila ng awtonomiya bilang solusyon sa mga natatanging problema ng kanilang mga mamamayan.
Kabilang na rito ang problema sa edukasyon partikular ang kabiguan na maabot ang 45:1 student-classroom ratio alinsunod sa Republic Act 7880 o Fair and Equitable Access to Education Act.
Sa ilalim ng nabanggit na batas na ini-akda ni Dating Senator Mar Roxas, 40 percent ng budget ng Department of Education para sa capital outlay ay ilalaan lamang sa mga legislative district na may classroom shortages.
Ayon kay Ifugao Governor Denis Habawel, hindi aabot sa national standard ang bilang ng mga estudyante sa Cordillera lalo’t pahirapan ang transportasyon sa bulubundikin rehiyon.
Isa pa lamang anya ito sa dahilan kaya’t isinusulong nila ang pagpasa sa House Bill 4649 na tila malabo ng umusad sapagkat nakatutok na ang maraming mambabatas sa kampanya para sa 2016 elections.
By: Drew Nacino