Nag-kaisa ang Russia at France sa pagsugpo sa Islamic State of Iraq and Syria o ISIS.
Ito ay matapos magpulong sina Russian President Vladimir Putin at French President Francois Hollande kung saan napagkasunduan ng dalawang lider na magpalitan ng intelligence data kaugnay sa ISIS at iba pang terrorist group.
Ayon kay Hollande, handang-handa silang makipagtulungan sa Russia upang maabot ang kapwa nila layuning masugpo ang terorismo.
Muling ipagpapatuloy nina Putin at Hollande ang kanilang pag-uusap hinggil sa problema sa terorismo sa dadaluhang climate change conference sa Paris na magsisimula sa November 30.
By Ralph Obina