Pinabulaanan ni Vice President Leni Robredo na may kinalaman ang Liberal party sa inihaing reklamo laban kay Pangulong Rodrigo Duterte sa International Criminal Court.
Kasunod ito ng pag urong ni Atty. Jude Sabio ng kanyang inihaing reklamo dahil isinantabi lamang ito ng ICC sa paniniwalang bahagi ito ng political propaganda ng ilang miyembro ng LP.
Ayon kay Robredo, dapat na pangalanan ni Sabio ang mga miyembro ng LP na kausap nya o nagtulak sa kanya na maghain ng reklamo.
Sa kabila nito iginiit ni Robredo na nagsisinungaling si Sabio dahil wala namang kamay ang LP sa paghahain ng kaso laban sa Pangulo.
