Ipinagharap ng kasong katiwalian ng Ombudsman sa Sandiganbayan si Davao del Norte 2nd District Rep. Antonio Floirendo Jr.
Ito’y kaugnay sa pagre-renew umano ni Floirendo sa kontrata ng kaniyang kumpaniyang TADECO o Tagum Agricultural Development Corporation sa BUCOR o Bureau of Corrections.
Magugunitang isiniwalat ni House Speaker Pantaleon Alvarez na kumita umano si Floirendo ng mahigit 7.5 Milyong Piso sa mula sa sagingan nito sa mahigit limang libong ektaryang lupain ng Davao Penal Colony.
Dahil dito, napatunayan ng Tanodbayan na nilabag ni Floirendo ang itinatadhana ng Republic Act 3019 o anti-graft and corrupt practices act dahil malinaw na kumikita si Floirendo sa pribadong kumpaniya gayung kasalukuyan siyang nakaupo bilang isang kinatawan sa Kongreso.
Ulat ni DWIZ Patrol Reporter Jill Resontoc
Posted by: Robert Eugenio