Wala pang plano si Pambansang Kamao Manny Pacquiao sa mga susunod niyang hakbang matapos ang laban kahapon kung saan ay natalo ito sa Australian boxer na si Jeff Horn.
Ayon kay Pacquiao, pagkauwi sa Pilipinas ay magpapahinga muna ito at saka na pag-uusapan kung ano ang susunod nilang plano.
Gayunman, ipinahiwatig ni Pacquiao na kung magkakaroon ng rematch ay nais niyang dito naman sa Pilipinas gawin ang kanilang sagupaan ni Horn.
Sinabi din ni Pacquiao na kabilang sa kanyang pag-iisipan pagbalik ng bansa ay ang posibleng pagreretiro.
Samantala, handa na ang hero’s welcome para kay Pacquiao na handog kanyang mga kababayan sa General Santos City.
Inaasahang darating sa bansa si Manny mamayang hapon.
By Ralph Obina
Rematch sa bakbakang Pac-Horn posibleng gawin sa Pilipinas was last modified: July 3rd, 2017 by DWIZ 882