Hiniling ni Maria Kristina Sergio sa Department of Justice na ibasura ang reklamong human trafficking, illegal recruitment at estafa na isinampa laban sa kanya ng NBI at ng kampo ni Mary Jane Veloso.
Sa kanyang sinumpaang kontra-salaysay, iginiit ni Sergio na wala silang kinalaman ni Julius Lacanilao sa sinapit ni Veloso na nahaharap sa parusang bitay sa Indonesia dahil sa drug trafficking.
Sinabi ni Sergio na hindi nila pinangakuan ng trabaho si Veloso, bagkus ay dinala niya ito sa Malaysia dahil pinakiusapan ni Mary Jane at ng asawa nito na si Michael Candelaria.
Binayaran aniya niya ang pamasahe ni Veloso patungong Malaysia pero ito ay utang sa kanya.
Itinanggi rin ni Sergio na siya ay parte ng sindikato ng droga, taliwas naman sa nakalap na impormasyon ng NBI mula sa PNP na konektado umano siya sa isang drug syndicate.
By Bert Mozo / Meann Tanbio