Tiniyak ng Department of Trade and Industry o DTI na stable ang presyo at supply ng mga pangunahing bilihin lalo ng bigas sa Iligan City, Lanao del Norte sa gitna ng nagpapatuloy na bakbakan sa Marawi City, Lanao del Sur.
Ito’y sa gitna ng mga ulat na pumalo na ang presyo ng bigas sa limanlibong piso (P5,000) kada kaban kahit pa may price freeze matapos ideklara ang Martial Law sa Mindanao.
Ayon kay Trade Undersecretary Teodoro Pascua, matatag ang rice supply at walang paggalaw sa presyo nito.
Dadalhin anya ng National Food Authority o NFA sa Iligan City ang bigasan ng bayan upang matiyak na walang paggalaw sa presyo ng bigas.
By Drew Nacino
Presyo at suplay ng bigas sa Iligan City stable—DTI was last modified: June 6th, 2017 by DWIZ 882