Walang interes si Pangulong Rodrigo Duterte na buweltahan ang kanyang mga kalaban sa pulitika.
Sagot ito ng Pangulo sa kanyang departure speech matapos tanungin kung siya ba ang nasa likod ng planong pagpapa-impeach kay Vice-President Leni Robredo.
Ayon sa Pangulo, tapos na siya sa pulitika at ayaw niyang makigulo pa dahil ang nais niyang mangyari ay tutukan ang kanyang trabaho batay sa mandatong ibinigay sa kanya ng taong bayan.
Tiniyak ng Pangulo na tutuparin niya ang kanyang pangako na tapusin ang problema sa korapsiyon, kriminalidad at illegal drugs at ayaw niyang mawala sa focus.
By: Aileen Taliping