Ibinabala ng grupong BAYAN ang posibleng pagtaas ng presyo ng beep cards sa susunod na apat na taon base na rin sa nakita anitong kontrata.
Ipinabatid ni BAYAN Secretary General Renato Reyes na posibleng tumaas ng P30 pesos ang singil sa beep cards sa 2019 mula sa kasalukuyang P20.
Binatikos din ng BAYAN ang pahayag ng DOTC na walang naging problema sa unang araw nang paggamit ng beep cards.
Bukod sa walang dry run, binigyang diin ni Reyes na palpak ang naging sistema at hindi naabisuhan ng tama ang mga pasahero ng MRT at LRT kaya’t nagkalituhan.
Muli ring kinuwestyon ng BAYAN ang pagpayag ng DOTC na magbayad ng P20 para sa stored value tickets samantalang sa ibang bansa tulad ng Hong Kong ay deposito lamang ang ibinabayad ng mga pasahero para sa card.
Nangangahulugan ito aniyang uubrang ma-refund ang kanilang bayad kapag naisauli na ang card.
By Judith Larino