Dapat panagutan ng tao ang mga ginawa nito sa taong 2017 na puno ng digmaan, kasinungalingan at kawalan ng katarungan.
Ito ang huling mensahe ni Pope Francis sa pagtatapos ng taong 2017 sa kanyang evening vespers service sa St. Peter’s Basilica sa Vatican.
Sinabi ng Santo Papa na nasayang at nasugatan lamang ang nakalipas na taon dahil sa kaliwa’t kanang patayan at mga pagsuway na sanhi ng pagiging makasarili.
Binigyang – diin pa ng Santo Papa na nagresulta aniya ang lahat ng ito sa pagkapahamak at pagkapinsala ng tao gayundin ng kalikasan.