Tiniyak ng PNP o Philippine National Police na kanilang palalakasin ang depensa ng mga himpilan ng pulisya sa buong bansa na madalas inaatake ng mga rebelde.
Ito’y ayon kay PNP Chief Dir/Gen.Ronald Bato Dela Rosa alinsunod na rin sa kautusan ni Pangulong Rodrigo Duterte na paigtingin pa ang pagtulong sa militar na puksain ang insurgency sa bansa.
Sa katunayan, sinabi ng PNP Chief na target nilang makapag-recruit ng 2,000 pulis o aabot sa limang batalyon upang labanan ang puwersa ng NPA o New People’s Army.
Maliban dito, sinabi pa ng heneral na bibili rin sila ng mga karagdagang kagamitan at armas para gamitin sa kanilang laban kontra sa mga lawless elements tulad ng NPA at iba pang grupo.
Ulat ni DWIZ Patrol Reporter Jonathan Andal
Posted by: Robert Eugenio