Muling nagbabala sa mga kandidato ang Philippine National Police (PNP) laban sa umano’y permit to campaign at permit to win ng New People’s Army o NPA.
Sa panayam ng DWIZ, sinabi ni PNP Spokesman Chief Supt. Wilben Mayor na ang naturang operasyon ng NPA na talamak sa mga malalayong lugar ay isang uri ng extortion.
Giit ni Mayor, kung kailangan ng seguridad ng isang kandidato ay dapat lumapit o makipag-ugnayan ang mga ito sa pulisya.
“Kami naman ay willing din na magbigay lalo na yung mga far areas, usually ang ginagawa natin is nagkakaroon muna tayo ng initial combat operations with of course kasama ang Armed Forces of the Philippines diyan, para-ma clear ang area muna, naglalagay din tayo ng mga area at road security sa mga lugar na pupuntahan nila.” Pahayag ni Mayor.
By Jelbert Perdez | Balitang Todong Lakas