Nag-ikot sa mga bus terminals sa Cubao Quezon City si Philippine National Police (PNP) Chief Director General Ronald Dela Rosa.
Hudyat ito ng pagsisimula ng Oplan Sumvac o Oplan Summer Vacation 2018.
Tinignan ni Dela Rosa ang seguridad sa mga bus terminal sa harap ng pagdagsa ng mga pasaherong uuwi ng probinsiya para sa Semana Santa.
Ayon kay Dela Rosa bagamat wala silang natatanggap na anumang banta sa seguridad ay nagtaas na sila ng full alert upang hindi malusutan.
Ang Oplan Sumvac ay nakatutok sa pagbibigay ng seguridad sa mga pampublikong lugar na pinupuntahan sa panahon ng bakasyon kasama na ang mga terminal ng bus, seaports at airports.
Tatagal ang Oplan Sumvac hanggang June 13 o bago magbalik-eskuwela ang mga estudyante.
(Ulat ni Jonathan Andal)