Umarangkada na sa House Committee on Constitutional Amendments ang pagtalakay sa planong pag amyenda sa saligang batas.
Unang pinag usapan sa komite, kung aamyendahan ang konstitusyon sa pamamagitan ng Constituent Assembly o Constitutional Convention.
Nagpahayag ng paniniwala si Surigao Del Norte Cong. Robert Ace Barbers na mananaig ang Con Ass dahil ito na ngayon ang nais ng Pangulong Rodrigo Duterte.
Sinang ayunan naman ito ni Negros Occidental Cong. Albee Benitez na nagsabing mas mabilis ang pagtalakay kung Con Ass ang gagamiting sistema.
Bukod dito, sinabi ni Benitez na puede rin gawin ang kanilang trabaho bilang mambabatas sa umaga at bilang Con Ass members naman sa hapon, mula Lunes hanggang Huwebes.
By: Len Aguirre