Sinibak ni Manila Police District (MPD) Director Chief/Supt. Joel Coronel ang pinuno Traffic Enforce Unit ng MPD na si Supt. Lucile Faycho at ang tauhan nitong si PO2 Joseph Buan.
Ayon kay Coronel, ang nasabing hakbang ay isang administrative remedy habang isinasagawa ang imbestigasyon laban kay Faycho at Buan sa reklamong pangongotong.
Si Buan ay naaresto sa isang entrapment operation ng PNP-CITF dahil sa pangongolekta ng pera mula sa mga driver ng pampasaherong bus sa Lawton na aabot sa limang daan hanggang dalawang libong piso kada linggo.
Ani Coronel, agad na kakasuhan ang dalawang police officer at ililipat ng pwesto sakaling makitaan ng probable cause ang reklamo laban sa mga ito.
Kung mapatutunayan namang walang kinalaman si Faycho sa pangongotong ng kanyang tauhan ay ibabalik naman ito sa kanyang dating posisyon.
By Krista De Dios | (Ulat ni Aya Yupangco)