Isang Pinay Overseas Filipino Worker (OFW) ang kinidnap at ginahasa ng 3 katao sa bansang Kuwait.
Ayon sa ulat ng Kuwait Times, binugbog muna ang Pilipina ng dalawang suspek bago puwersahang pinapasok sa isang kotse.
Saka umano siya dinala ng dalawa kasama ang driver sa desyertong bahagi ng Al Jahra kung saan halinhinan siyang pinagsamantalahan ng mga ito.
Kaugnay nito, kumikilos na ang mga otoridad upang mahanap at mapanagot ang mga suspek.
By Rianne Briones