Nahaharap sa pinakamalalang humanitarian crisis ang mundo simula nang magtapos ang World War 2 at mahigit dalawampung milyong katao ang posibleng makaranas ng gutom sa apat na bansa.
Ito ang babala ni United Nations Undersecretary general for humanitarian affairs and emergency relief coordinator Stephen O’brien sa gitna ng kaguluhan sa Nigeria, Somalia, South Sudan at Yemen.
Ayon kay O’brien, dapat mailatag sa hulyo ang 4.4 billion dollars para sa mga nasabing bansa at kung hindi ay milyun-milyon ang mamatay dahil sa gutom.
Tinukoy naman ng UN official ang Yemen bilang “Pinaka-malaking humanitarian crisis sa mundo” kung saan mahigit labingwalong katao ang nangangailangan ng pagkain.
Ang nagpapatuloy na civil war sa Yemen ay nagresulta na sa pagkamatay ng halos walong libong katao.
By Drew Nacino