Tatalakayin na ngayong linggo ng Korte Suprema ang inihaing petisyon ng Panay Electric Cooperative (PECO) laban naman sa kumpaniyang MORE Electric and Power Corporation.
Sa virtual press conference ng consumer rights advocate group na Koalisyon Bantay Kuryente, igniit nito na panahon na para matuldukan ang 2 taong sigalot sa pagitan ng MORE at PECO.
Ayon kay Atty. Estrella Elamparo, ang Legal Counsel ng PECO, kailangang pumanig sa kanila ng SC dahil labag sa Konstitusyon ang ginagawang pag-takeover ng MORE sa kanilang pasilidad.
Lilikha din aniya ito ng masamang epekto sa hinaharap kung saan, maaaring limasin ng interesadong partido ang napasarang kumpaniya na tiyak na nakababahala.
If the MORE position is affirmed by the courts, it will be followed by others who are not qualified and are not deserving to be granted a franchise by Congress,” giit ni Elamparo.
Kasunod nito, binigyang-diin ni Elamparo dapat tutukan ng mga Mahistrado ang kaso dahil hindi ito simpleng alitan lamang sa pagitan ng dalawang kumpanya
This is not a fight between two companies, PECO and MORE. What are at stake here are the interests of the people,” ani Elamparo
Samantala, pinaiimbestigahan naman ng KBK ang Energy Regulatory Commission (ERC) ang sinasabing pagsuway ng MORE Power sa paniningil ng systems loss rate na halos doble sa ipinag-uutos ng ERC.
Ito ang dahilan kaya umaaray ang mga konsyumer na overbilled sila at humihingi ng refund mula sa MORE.