Ipinasisilip ni House Deputy leader at Bayan Muna Rep. Carlos Isagani Zarate sa Kamara ang permit na ibinigay sa National Grid Corporation of the Philippines (NGCP).
Ayon kay Zarate, kailangang mai-review ang permit, franchise o license na iginawad sa NGCP upang masilip ang access at kontrol sa technical operations ng China sa operasyon nito.
Hindi rin kumbinsido si Zarate sa naging pahayag ng NGCP na walang dapat na ipag alala sa pagkakaroon ng 40% share ng China sa NGCP.
Una nang inamin ng NGCP na mayroon nang 3 board members na Chinese na NGCP board at habang bagong talaga naman bilang NGCP Board chairman ang isang engineer mula sa China State Grid Corporation.