Tiniyak ng Philippine Coast Guard ang kanilang pagbabantay sa mga pantalan kasabay ng inaasahang pagdagsa ng mga bakasyunista ngayong panahon ng semana santa.
Ayon kay Coast Guard Spokesman Capt. Armand Balilo, naka- alerto ang kanilang hanay sa mga posibleng worst case scenario kahit pa wala silang namomonitor na banta sa seguridad.
Kasunod nito, umapela si Balilo sa publiko lalo na sa mga magsisipag-biyahe ngayong semana santa na sumunod sa mga ipinatutupad na security measures sa mga pantalan at magpasailalim sa security inspection.
Kabilang sa mga mahigpit na binabantayan ng coast guard ay ang batangas port na siyang gateway ng Luzon patungo sa mga isla ng MIMAROPA, Visayas at Mindanao.