Ibinunyag ni Cotabato City Mayor Japal Guani, Jr. ang patuloy na recruitment ng armadong grupo na konektado sa ISIS sa mga kabataan sa kanilang lugar.
Ipinaabot ng alkalde ang kaniyang matinding pangamba sa recruitment ng aniya’y ISIS inspired Ansar Al-Khalifa Philippines sa unang batch ng 30 kabataan mula sa kanilang lungsod.
Sinabi ni Guani na pinapangakuan ang mga nire-recruit ng pang araw-araw na pagkain, allowance at pocket money habang nagsasanay sa paggawa ng bomba sa Palembang, Sultan Kudarat.
Target aniya ng grupo ang mga menor de edad at out of school youths sa pagbaba ng Koran kaya’t nananawagan siya sa mga magulang na i-monitor nang mabuti ang galaw ng kanilang mga anak.
By Judith Larino