Sinuspinde na ng Malacañang ang pasok sa lahat ng tanggapan ng gobyerno at pampublikong eskwelahan sa NCR o National Capital Region ngayong araw.
Epektibo ang suspensyon ala-1:00 ngayong hapon.
Sa inilabas na memorandum order no. 21 na pirmado ni Executive Secretary Salvador Medialdea, tinukoy na dahilan ng kanselasyon ang walang tigil na mga pag-ulan sa malaking bahagi ng Metro Manila dulot ng bagyong Gorio.
Hindi naman kasama sa suspensyon ang mga ahensyang may kinalaman sa health services at calamity preparedness at response.
Nakasalalay naman sa diskresyon ng mga pribadong kumpanya at eskwelahan kung sususpendihin ang kani-kanilang pasok.
–may ulat ni Aileen Taliping (Patrol 23)
Pasok sa government offices sa NCR kinansela na was last modified: July 27th, 2017 by DWIZ 882