Nilinaw ni Presidential Spokesperson Harry Roque na wala pang inilalabas na anunsiyo ang Malakanyang kaugnay sa magiging susunod na hepe ng PNP o Philippine National Police.
Sinabi pa ni Roque na wala pang pahayag si Pangulong Rodrigo Duterte kasunod ng lumabas na ulat na si Deputy Director General Ramon Apolinario ang papalit sa magreretirong si PNP Chief Director General Ronald Bato Dela Rosa.
Para naman kay PNP Spokesman Chief Superintendent Dionardo Carlos , makabubuting hintayin na lamang ang opisyal na pahayag ni Pangulong Rodrigo Duterte ukol sa susunod na PNP chief.
Matatandaang lumabas ang ulat matapos ilang beses na banggitin ni Superintendent Ercy Nanette Tomas , legal officer ng PNP Center for Police Strategic management na si Apolinario ang nakatakdang pumalit kay Dela Rosa sa susunod na taon.