Walang plano si Pangulong Rodrigo Duterte na kasuhan sa korte ang mga nasa likod ng tangkang pagpapatalsik sa kanya sa puwesto.
Ayon kay Pangulong Duterte, publisidad lang ang ginagawa ng mga taong nagsusulong ng destabilisasyon laban sa kanya kaya’t hahayaan na lamang niya ito.
Hindi na aniya nito pinapansin ang pamumulitika ng kanyang mga kalaban dahil bahagi ito ng umiiral na demokrasya sa bansa.
Gayunman, inihayag ng Pangulo na ibang usapan na kung hahantong sa karahasan at kaguluhan ang ginagawang demonstrasyon para paalisin siya sa puwesto.
Bahagi umano ng destabilisasyon para paalisin sa puwesto ang Pangulo ang isyu ng extra-judicial killings na dinala pa ng kanyang mga kalaban hanggang sa United Nations at ang isinampang impeachment case laban sa kanya sa Kamara.
By: Drew Nacino / Aileen Taliping