Nagpahiwatig si Pangulong Rodrigo Duterte sa posibilidad na maibalik ang pakikipagnegosasyon ng pamahalaan sa Communist Party of the Philippines o CPP.
Sa kanyang talumpati sa peace and order summit sa Legazpi City, Albay, nagbigay ng ilang kondisyon para rito ang pangulo.
Giit ng pangulo, dapat itigil na ng mga rebelde ang pangingikil ng pera at paghingi ng buwis.
Oras na mangyari ito, sinabi ng pangulo na handa ang gobyerno na ibalik ang usapang pangkapayapaan kasama ang komunistang grupo kasabay ng pagtiyak na handa siyang gastusan ang peacetalks.
Matatandaang nahinto ang peacetalks noong 2017 nang pirmahan ng pangulo ang Proclamation No. 360 dahil sa patuloy na pag-atake ng rebeldeng komunista kahit nasa kalagitnaan na ng negosasyon ang dalawang panig.