Pinawi ng Negros Occidental Provincial Disaster Management Division ang pangamba na tuluyang sumabog ang Mount Kanlaon.
Ginawa ito ni Isagani Publika, Weather Observer sa Negros Occidental Provincial Disaster Management Division makaraang magbuga ng abo ang Mount Kanlaon.
Labing dalawang (12) minuto ring tumagal ang pagbuga ng abo ng Mount Kanlaon na umabot sa taas na isa at kalahating kilometro at nagdulot ng ashfall sa ilang mga barangay ng La Carlota City at mga lugar sa timog silangang bahagi ng bulkan.
Ayon kay Publika, wala pa silang record na sumabog ang Mount Kanlaon maliban sa mga mga minor eruption tulad ng nangyari noong 2006.
Gayunman, sinabi ni Publika na nananatili sa alert level 1 ang estado ng bulkang Kanlaon na ang ibig sabihin ay ipinagbabawal ang pagpasok sa apat na kilometrong permanenteng danger zone.
LISTEN: Bahagi ng panayam kay Isagani Publika
By Len Aguirre | Balitang Todong Lakas