Hiniling sa senado ng kampo ni Ginang Patricia Bautista na ituloy na ang imbestigasyon laban sa kaniyang mister na si Commission on Elections (COMELEC) Chairman Andres Bautista at sa mga bank accounts nito na naglalaman umano ng mga tagong yaman.
Kasamang ni Ginang Bautista ang abogado nito na si Atty. Lorna Kapunan na nagtungo sa tanggapan nina Majority Leader Majority Leader Tito Sotto, Committee on banks Chairman Chiz Escudero at Senadora Grace Poe.
Nauna rito, nagsagawa ang senado ng pagdinig ukol sa accounts ni Bautista sa Luzon Development Bank makaraang mabasura na sa committee level sa Kamara ang impeachment complaint laban dito.
Wala naman sa kaniyang tanggapan si Escudero ng dumating si Mrs. Bautista at Atty. Kapunan pero nag – iwan ito ng kopya ng inihain nila sa Korte Suprema na disbarment case laban kay University of Santo Tomas (UST) Civil Law Dean Nilo Divina.