Posibleng mapa-aga ang pagreretiro ni AFP Chief of Staff General Eduardo Año matapos ianunsyo ni Pangulong Rodrigo Duterte na siya na ang itatalagang bagong kalihim ng DILG o Department of Interior and Local Government.
Ayon kay Armed Forces of the Philippines o AFP Spokesman Brig. Gen. Restituto Padilla, sa Oktubre pa ang nakatakdang pagreretiro ni Año sa pagtungton nito sa edad na 56.
Sinabi ni Padilla na sa oras na mabakante ang nabanggit na posisyon, agad gagawa ng shortlist ang Board of Generals ng mga kwalipikadong miyembro ng AFP na irerekomenda kay Pangulong Duterte para maging susunod na hepe ng militar.
Limang (5) buwan pa lamang sa pwesto si Año na itinalagang AFP Chief noong Disyembre 2016.
Samantala, welcome naman kay acting DILG Secretary Catalino Cuy ang anunsyo ng Pangulo na si General Año ang susunod na kalihim ng DILG.
By Meann Tanbio |With Report from Jonathan Andal