Muling idinepensa ng Manila Police District (MPD) ang pagpasok nila sa simbahan ng Quiapo para kumpiskahin ang placard ng ilang miyembrong akbayan sa kasagsagan ng misa.
Ayon kay Police Brigadier General Rolando Miranda, hepe ng MPD, mismong staff ng Quiapo church ang dumulog sa mga pulis dahil may mga aktibista na naglaladlad ng kanilang placards sa kasagsagan ng misa.
Kung wala anyang ibang motibo ang mga raliyista, dapat ay iniwan nila sa labas o sa sasakyan ang kanilang placard bago dumalo ng misa.
Binigyang diin ni Miranda na kung mali man ang ginawa ng kanyang mga pulis mas mali ang ginawa ng mga aktibista dahil hindi nila iginalang ang banal na misa.
Sinabi ni Miranda na nasa 40 raliyista rin na hinihinalang miyembro rin ng akbayan ang nasa likurang bahagi ng Quiapo church.