Muling iginiit ni Pangulong Rodrigo Duterte na seryoso ang kaniyang administrasyon sa pagpapatupad ng nationwide smoking ban.
Sa kanyang talumpati sa People’s Day sa Socorro lalawigan ng Oriental Mindoro, ipinaliwanag ng Pangulo kung bakit may katabi siyang breathing apparatus sa kanyang silid sa Davao City.
Ayon sa Pangulo, ito’y para makahinga siya ng maayos bunsod ng naging karanasan niya mula nang tumigil siya sa paninigarilyo.
Magugunitang lagda na lamang ng Pangulo ang hinihintay sa ginawang draft ng EO o executive order na binalangkas ng DOH o Department of Health.
Bahagi ng pahayag ni Pangulong Rodrigo Duterte
By Jaymark Dagala | Report from Aileen Taliping (Patrol 23)