Handa si Martial Law in Mindanao Administrator at Defense Secretary Delfin Lorenzana na sumunod sakaling magpasya ang Kamara na palawigin ang batas militar hanggang sa 2022 dahil sa nangyayaring krisis sa Marawi.
Sa isang press statement, sinabi ni Lorenzana na nakahanda ang defense department at AFP na ipatupad ang anumang mapagpasyahan ng pambansang pamahalaan na mas nakabubuti sa pambansang interes.
Sakali man aniyang magkaroon ng extention ang batas militar sa Mindanao, makakaasa ang mamamayan na puspusang itataguyod ng defense at security establishments ang rule of law sa bawat pagkilos ng mga ito.
Tiniyak din ni Lorenzana na laging mangingibabaw sa pagpapatupad ng batas militar ang pagrespeto sa karapatang pantao.
PNP Chief Dela Rosa, tutol sa pagpapalawig ng batas militar
Tutol si PNP Chief Director General Ronald Dela Rosa sa planong pagpapalawig sa batas militar sa Mindanao hanggang 2022, gaya ng gustong mangyari ni House Speaker Pantaleon Alvarez.
Ayon kay Dela Rosa, 60 araw na extension lamang ang kanilang irerekomenda sa pangulo at hindi limang taon.
Duda aniya siya na tatanggapin ng publiko ang masyadong mahabang panahon ng martial law.
Pagtitiyak naman ng PNP chief, laging may ligal na basehan ang kanilang mga irerekomenda sa usapin ng batas militar.
By Meann Tanbio
Pagpapalawig ng batas militar sa Mindanao sinang-ayunan at tinutulan ng ilang opisyal was last modified: July 11th, 2017 by DWIZ 882