Nakatakdang pulungin ni Pangulong Rodrigo Duterte ang NFA o National Food Authority Council upang personal na tugunan ang manipis na suplay ng NFA rice.
Ito ang kinumpirma ni NFA Council Chairman at Cabinet Secretary Leoncio Evasco kung saan, inaasahan aniya na magbibigay ng kaniyang pahayag dito ang pangulo.
Samantala, isinisi naman ni NFA o National Food Authority Administrator Jason Aquino sa nakalipas na administrasyon ng NFA ang problema sa suplay ng bigas ng ahensya.
Sa panayam ng DWIZ kay Aquino, sobra-sobra aniya ang inaangkat na bigas ng nagdaang pamunuan ng NFA kaya’t kadalasang nauuwi sa pagkabulok hanggang sa hindi na ito mapakinabangan.
Kasunod nito, iginiit ni Aquino na dumadalo siya sa mga pagpupulong ng NFA council taliwas sa ibinabato sa kaniya ng kaniyang mga kritiko hinggil sa umano’y madalas nitong pagliban.
“Ganito po kasi ang nangyari diyan, kaya hindi sigurado yung replenishment, yung NFA before, as much as possible, inano yung self life ng bigas, para ma mentain yung certain level ng inventory, dineteriorate mo yung bigas, so ganun ang nangyari and then ngayon naman okay na naidospose natin yan, wag lang tayong mabulukan o yung age ng bigas.”
(From Sapol Interview)