Dumipensa ang kampo ni Chief Justice Maria Lourdes Sereno sa pagkuwestyon sa binuo nitong Technical Working Group na nagsasala o nag-po-proseso ng survivorship benefits ng mga naulila ng mga yumaong mahistrado sa hudikatura.
Idinetalye ng kampo ni Sereno ang mga kwalipikasyon ni Atty. Jocelyn Fabian para pamunuan ang T.W.G. at iginiit na isang asset si Fabian hindi lamang sa tanggapan ng punong mahistrado kundi ng buong hudikatura.
Ito’y dahil sa karanasan at “expertise” sa public service ni Fabian matapos ang dalawampu’t siyam na taon sa private sector bukod pa sa pagiging Certified Public Accountant simula noong 1985 at naging abogado noong 2011.
Dumaan din umano ito sa proseso bago naging T.W.G. Head kung saan nag-apply siya sa tanggapan ni Sereno sa pamamagitan ng liham noong August 25, 2012 at sumalang sa interview ng panel noong 2013 at kwalipikado naman ito para sa naturang pwesto.
Una ng inakusahan ni Atty. Larry Gadon si Fabian na wala umanong masyadong alam sa trabaho nito sa Supreme Court at tanging kwalipikasyon ay matagal ng kakilala ni Sereno bukod pa sa kapwa sila Born Again Christian.