Matapos maudlot ng ilang beses, ipagpapatuloy na ng Senate Sub-Committee on Public Services ang pagdinig sa mga kapalpakan sa Metro Rail Transit o MRT 3 ngayong araw.
Kabilang sa mga inimbitahan ni Senator Grace Poe, Chairman ng Sub-Committee, ang pamunuan ng MRT 3, Department of Transportation and Communications o DOTC, Light Rail Transit Authority o LRTA, Metro Pacific investment Corp. at Center for Commuters.
Naka-kalendaryo ang mga isyu ng madalas na aksidente sa mga riles, paglobo ng bilang ng mga insidente ng pagkasira ng tren at gayundin ang maintenance operation ng mass transit system.
Magugunitang noon pang Pebrero huling nagkaroon ng hearing sa senado hinggil sa mga problema sa MRT.
By Jelbert Perdez