Tiniyak ng Department of Health (DOH) na ginagawa nila ang lahat para pangalagaan ang mga tinaguriang health frontliners.
Ito’y ayon kay Health Usec. Maria Rosario Vergeire ay kasunod na rin ng pagdami ng mga health worker na nagpopositibo sa coronavirus disease 2019 (COVID-19).
Ayon kay Vergeire, kasalukuyan na nilang iniimbestigahan ngayon kung nasusunod NBA ang mga protocol para sa infection control para sa mga health worker.
Magugunitang nagpalabas na ng guidelines ang DOH hinggil sa wastong paggamit ng mga personal protective equipment (PPE’s).
Batay sa datos ng DOH, papalo na sa mahigit 1,000 healthworkers ang nagpositibo sa COVID-19 kung saan, karamihan dito ay mga doktor at nurse.