Naaalarma na ang mga pamahalaang lokal ng Dingras sa Ilocos Norte sa patuloy na pagdagsa ng mga turista sa Madongan Dam kung saan matatagpuan ang isang talon o waterfalls na may malinaw na tubig.
Kasabay kasi ng pagbuhos ng mga turista sa Madongan Dam ay ang pagdami rin ng mga nakakalat at iniiwang basura sa lugar.
Ayon sa Forester at Researcher na si Professor Charlie Batin, malaking hamon ngayon para sa pamahalaan na maprotektahan ang naturang watershed.
Ilan sa mga panukala ay ang kontrolin ang bilang ng mga pumupunta sa Madongan Dam at magtanim pa ng maraming puno para sa mas kaaya-ayang kapaligiran.
Matatandaang dahil sa social media ay mabilis na kumalat ang tungkol sa Madongan dam kung saan marami ang nahalina at nais mapuntahan ito.
By Ralph Obina