Tiniyak ni Presidential Spokesman Edwin Lacierda na seryoso ang pamahalaan sa paggawa ng solusyon para sa mabigat na daloy ng trapiko sa EDSA.
Sinabi ni Lacierda na maliban sa disiplina sa sarili ng mga motorista, sinisimulan na din ang pagbuo ng NLEX – SLEX connector road.
Ipinaliwanag ni Lacierda na kapag nabuo na ang connector road, hindi na babagtas sa EDSA, ang mga motorista mula sa Norte na nais magtungo sa mga probinsiya sa southern Luzon.
“More than the discipline that we expect and we ask cooperation from our motorists is also the infrastructure that we need to do, the NLEX-SLEX connector road, kapag itinayo na ang connector road na ‘yan, you bypass EDSA.” Pahayag ni Lacierda.
Lumad
Samantala, iniimbestigahan na ng otoridad ang kaso ng pagpatay sa mga lider ng Lumad sa Surigao del Sur.
Sinabi ni Presidential Spokesman Edwin Lacierda, na batay sa mga naunang imbestigasyon, walang prisensya ng military nang mangyari ang pagpatay.
Ipinaliwanag din ni Lacierda na mas mabuti na ang lagay ng mga katutubo at sa katunayan, tatlo sa bawat apat na nagbabalik loob sa pamahalaan ay mga Lumad.
AUDIO: Bahagi ng panayam kay Secretary Lacierda
By Katrina Valle | Laban Para sa Karapatan