Plano ni Manila City Mayor Isko Moreno na ipagbawal ang pagbebenta ng solvent sa lungsod.
Ito ay upang maresolba ang problema sa adiksyon ng ilang mga kabataan sa nabanggit na substance.
Ayon kay Moreno, kanilang hahabulin ang lahat ng klase ng mga tindahang nagbebenta ng solvent tulad ng mga hardware.
Kanila rin anilang ituturing bilang mga regular pushers ang mga indibiduwal na nagbibigay o nagbebenta ng solvent sa mga menor de edad.
Magugunitang nitong linggo lamang, ipinaaresto ni Moreno ang ilang mga street children na kanyang naaktuhang sumisinghot ng solvent habang siya ay nag-iikot sa lungsod.