Aabot sa 76 na bilyong piso kada taon ang ikinalulugi ng Pilipinas dahil sa palpak na serbisyo ng mga TelCos o Telecommunication Companies.
Ito ang dahilan kaya’t isinusulong ng mga mambabatas mula sa menorya ng Kamara ang pagbawi sa prangkisa ng mga namamayagpag na TelCos sa bansa.
Ayon kay House Minority Leader at Quezon Representative Danilo Suarez, kaniyang ipasisiyasat sa House Franchise Committee ang mga sablay na serbisyo ng mga TelCos tulad ng kawalan ng signal, mabagal na internet connection, biglang pagkawala ng load para sa mga pre-paid subscribers at price surge sa billing ng mga post paid subscribers.
Giit ng mambabatas, matagal nang problema ang mga nabanggit ngunit hindi pa rin ito mahanapan ng solusyon ng pamahalaan at hindi naman inaaksyunan ng mga TelCos.
By Jaymark Dagala | With Report from Jill Resontoc