Kinumpirma ng Malakanyang na inimbita ng Kuwaiti Government sa kanilang bansa si Pangulong Rodrigo Duterte sa gitna ng deployment ban ng Filipino domestic helpers sa naturang Gulf State.
Ayon kay Presidential Spokesman Harry Roque, anumang araw ay bibiyahe si Pangulong Duterte sa Kuwait makaraang makausap sa Malakanyang si Kuwaiti Ambassador to the Philippines Saleh Ahmad Althwaikh.
Gayunman, hindi batid ni Roque kung ano ang magiging agenda ng punong ehekutibo sa pagbisita nito pero inaasahan na nilang mabubuksan ang issue hinggil sa sitwasyon ng mga Filipino sa nabanggit na bansa.
Magugunitang ipinag-utos ni Pangulong Duterte ang suspension ng deployment ng mga manggagawang Pinoy sa Kuwait matapos ang pagkamatay ng ilang O.F.W. na sinasabing inabuso ng kanilang mga amo.
Posted by: Robert Eugenio