Pinalawig pa ng Social Security System (SSS) ang pamamahagi ng kanilang Small Business Wage Subsidy (SBWS) para sa mga benepisyaryong kukubra nito sa M. Lhuiller hanggang Hunyo 28.
Bunsod ito ng sandamakmak na reklamo laban sa M.Lhuiller dahil sa mabagal na paglalabas ng ayuda sa mga manggagawa bunsod na rin ng dumagsang aplikasyon mula sa mga naipit sa lockdown.
Gayundin ang maling impormasyong ibinigay ng mga employer sa SSS na siyang dahilan kaya’t marami ang na-delay sa pagkuha ng kanilang mga ayuda.
Kasunod nito, pinaalalahanan ng SSS ang mga employer na tiyaking tama ang mga ibinibigay nilang datos ng kanilang mga empleyado upang maiwasan ang maantala ang ayudang dapat nilang makuha.
May hanggang Hunyo 16 na lamang ang mga employer para itama ang maling datos ng kanilang mga empleyado.